اكلات رائيسية

مجبوس سمج مع الحشو



[url=http://up.ta7a.com/ta7a/S3592239.jpg][/url]

مجبوس السمج من الاطباق المفضله عندي... نزلت وصفه قبل هالمره وباقي لي وصفه المجبوس الم**ر وباذن الله اول ما اسويها انزلها بعد ومثل ما اقول لكم دايما اضافه الطماط والمعجون حسب الرغبه وانا يعجبني المجبوس الاحمر :> ... الاختلافات بينها وبين هالمجبوس بسيطه اغلبها بنوع وكميه البهار ...عاده ما اقلي السمج وانا اشوفه اخف واحلى ... الحشو تقدرون تضيفون له اي نوع م**رات تحبونها او خضار ورقيه
المقادير:
سمج شعوم كبيره مقصصه او عدله حسب الرغبه
بزار بحريني
بهار سمج ( مجدي )
بزار عادي
هيل ناعم
لومي عدل
دارسين عدل
هيل عدل
بهار ( استخدمت بهار حشو سمراء عدن )
ك**ره بودر
بقدونس مفروم
طماط مفروم
بصل
ثوم مهروس
زنجبيل مهروس
معجون طماط
زرشك
ملح
ماي
عيش منقع
زيت نباتي
طحين وعصير ليمون لتنظيف السمج
الطريقه:
نغسل السمجه عدل ونسفطها وبعدين ننقعها بليمون وكلح خشن 15 دقيقه و بعدين نلتها بطحين ونغسلها عدل
نتبلها بثوم و زنجبيل مفرومين ونخليها على جنب
نحمس البصل لين يذبل وبعدين نضيف له الثوم والزنجبيل و البزار والبزار البحريني وبهار السمج والك**ره الناعمه والبهار وبعدين نضيف الطماط وندقها بظهر القفشه عشان تنهرس وينزل مايها
نضيف اللومي والهيل والدارسين والبقدونس والملح ونضيف شوي ماي ونتركهم لين يذبلون عدل
بهالاثناء نبهر السمجه ببزار وبهار وليمون واذا ذبلت الحمسه نحط السمجه فوقهم على النار ونقلبها بشويش عشان لاتقتت ... نضيف الماي والمعجون ونتركها تطبخ
عند ثلاث ارباع نضج السمجه نشيلها ونحطها بصينه الفرن الممسوحه زيت ونبهرها بهيل ناعم ولومي ودارسين ناعم وبهار وندخلها الفرن لين تتحمر
وعند غليان المروق نسقط العيش عليه ونتركه لين يشرب مروقه وبعدين نوطي على النار ونطره لين يتسكر عدل
نسوي الحشو بت**** البصل بالماي بالبدايه واذا ذبل نضيف الزيت وبعدين نضيف الزرشك المنقوع والبهار و اللومي والهيل وشوي ملح


>>>>>>>>>>>>>>>>>>>>>>>>>>>

مربين شبنت
[url=http://up.ta7a.com/ta7a/X9I92239.jpg][/url]
مربين مع شبنت.. طبعا التسميه من الايدام نفسه اللي اهو الربيان.. كثير يسالوني شالفرق بين المربين ومجبوس الربيان؟ صراحه مادري تعودت من وانا صغيره كل عيش وربيان يصير مربين ... هالوصفه تعود حق يدتي الله يطول بعمرها والطريقه الاصليه الشبنت يكون اكثر ومن غير مكعب ماجي الخضار...جربوا تخلطون مع الربيان سمج(( وعادة اخلطهم مع بعض )) رح يصير العيش مربين وطعمه و لا اروع...نزلت وصفات ثانيه لمربين الربيان الطري
مربين 1
و مربين 2
وعندي وصفه وحده على مربين ربيان ناشف مع الخضار
ابوي فديت التراب اللي يوطي عليه توه شاري سله ربيان شكبرها واغلب الربيان اللي فيها جمبو فتوقعوا مني خلال هالايام وصفات ربيان يديده :>
المقادير:
ربيان طري مقشر ومشيول منه الخيط الاسود
طماط مكعبات ( مو وايد بحدود 1 او 1 ونص)
بصل مفروم كبار
شبنت مفروم
ثوم عدل
ثوم مهروس
زنجبيل مهروس
لومي ناعم
هيل ناعم
كمون ناعم
زنجبيل ناعم
بزار
فلفل اسود ناعم
بهار حشو ( من سمراء عدن )
بهارات المجبوس بالاضافه الى هيل حبشي و ستارنيز وزنجبيل مجفف... اخذوهم من سمراء عدون تكون اوريدي مخلوطه فيهم
مكعب خلاصه الخضار
ماي ساخن
زيت نباتي
الطريقة:
البدايه ناخذ الربيان ونرش عليه كمون وزنجبيل بودر وجم فص ثوم صحيح و فلفل اسود ونخليه علىالنار لين ينزل مايه ويرد يشربه
نحمس البصل لين يتغير لونه ( واذا كنتو بتضيفون السمج حمسوه بالدهن المستخدم في قلي السمجه) ونضيف له البزار والكمون واللومي والبهار وبعدين نضيف له الربيان والشبنت ونحمسهم لين يتغير لون الشبنت ويغمق لونه
نضيف الطماط وبهارات المجبوس ومكعب خضار ماجي ونحركهم لين تطلع ريحه الحمسه... نضيف الماي الساخن واول ما يغلي نقط عليه العيش ونتركه يشرب مروقه نرش على الويه هيل ناعم وبعدين نوطي النار ونتركه لين يترسى العيش
اذا حبيتو تقدرون تضيفون زيت على ويه العيش وانا استغنيت عن هالخطوه
نجبوه

""""""""""""""""""""""""""""""""""""""
مطبق سمج سبيطي

[url=http://up.ta7a.com/ta7a/X8H92239.jpg][/url]

هذا غدانا اليوم مع مرق سمج.. اختي مشتهيه تقلبه بصينيه هههه.. السمجه ابوي فديت قلبه اليوم شاريها وصج السمجه الفرش تهبل بالطبخ
انا عاده اطبخ المطبق باكثر من وصفه.. اختي متنسيه على هالوصفه ..ان شاء الله اذا سويت الوصفات الثانيه اذكرلكم اياها...

المقادير:

سبيطي منظف ومقطع حسب الرغبه انا شلت الراس حق المرق

كزبره خضره مفرومه
شبنت مفروم
بصل بكميه راهيه مقصص مكعبات(( انا استخدمت حق جيله ونص 2ونص بصله متوسطه))
عيش مغسول ومنقع بماي دافي وملح
زرشت مغسول عدل عدل من التراب
زيت
ملح
بهار
بهار سمج ( استخدمت ماركه مجدي )
لومي
هيل عدل وهيل ناعم
دارسين ناعم
ثوم مهروس
زنجبيل مهروس

الطريقه:

اول شي نغسل السمج وانقعها بملح خشن وعصير ليمون عشان الزفر تقريبا 10 دقايق.. واذا ما كانت فريش اخليها نص ساعه

بعدين اغسلها وارد ارشها بطحين من كل صوب وارج اغسلها عشان اتاكد ان ماكو شي متعلق بالسمجه مني مناك

ابهر السمجه ببهار السمح ودارسين وثوم وزنجبيل وشوي هيل ناعم واخليها لين تتشرب شوي الخلطه

بعدين اقليها نص قلي بزيت حامي بس ما يكون غزير.. انااحط حتى بقايا الثوم والزنجبيل اللي يطيحون منها بالمقلة عشان يتبل الزيت فيهم لاني ارد استخدم الزيت مره ثانيه

اصفي الزيت واخذ جزء منه واحمس فيه الحشو المكون من البصل والثوم والكزبره والشبنت واضيف لهم هيل ناعم وبهار ولومي بزار بحريني او بهار سمج وملح واذا سكرت الجوله احط الزرشت معاهم

اييب الجدر واحط من شويه من زيت السمج حتى يغطي قاع الجدر واصف طبقه خفيفه من العيش وبعدين السمج المقلي واحط الحشو فوقه واخر شي باجي العيش والملح وجم حبه هبل عدل وتغطيه بالماي المغلي ونتركه لينينشف مايه على نار قويه وبعدين نوطي النار ونحط تحته حديده وننطر لين يترسى العيش وبعدين نقلبه
[url=http://up.ta7a.com/ta7a/qcf92239.jpg][/url]
""""""""""""""""""""""""""""""""""""""""""
سمج مشوي بالفرن

[url=http://up.ta7a.com/ta7a/hwt92239.jpg][/url]

هالوصفه من اسهل ما يكون وطعمها لذيذ انا استخدمت سبيطي بس انتو تقدرون تستخدمون اي نوع سمج... طبعا المقادير على حسب حجم السمجه

المقادير:

بصل
بقدونس
كزبره
ثوم مهروس
زنجبيل مهروس
كمون
بهار سمج ( مجدي )
بزار بحريني
لومي ناعم
صبار
ملح

الطريقه:
خلطو بقدونس وكزبره وبصل وثوم وزنجبيل وبعدين خلطوه مع كمون وبهار سمج وبزار بحريني ولومي ناعم وخلوه
اخذو السمجه ونظفوها عدل مدل...
مسحوها بالثوم والزنجبيل المهروسين وبعدين رشوها بالبزار البحريني والصبار
وحطو الخلطه فوقها ودخلوها الفرن على حراره عاليه وبعدين خففوها شوي عشان تتحمر وتتحمش

""""""""""""""""""""""""""""""""""""""""""
""""
برياني ربيان...
[url=http://up.ta7a.com/ta7a/ifC92829.jpg][/url]

هالوصفه اخذتها من كتاب منال العالم.. قللت بمقدار البهار وضفت كزبره بدال البزاليا وحركه العجينه بالنهايه... طعمها وايد حلو وانصحكم تجربونه
اذا ما حبيتو اضافه العجين تقدرون تغطونه بقصدير عادي وتتركونه يكمل نضجه بالبخار
المقادير:
ربيان طري
ملعقتين صغار بهار برياي .. استخدمت من ماركه اسناد
هيل ناعم ربع قفشه صغيره
هيل عدل 5 حبات
دارسين ناعم ربع قفشه صغيره
عود دارسين عدل
4 قفاش معجون طماط
علبه روب
بصلتين مفرومين
قفشه صغيره ثوم مهروس
قفشه صغيره زنجبيل مهروس
نص شده كزبره مفرومه
جيله ونص عيش مسلوق 5 دقايق
نص قفشه صغيره زعفران منقعه بحليب دافي
كمون نص قفشه صغيره
كزبره قفشه صغيره متروسه
4 قفاش كبيره زيت وشويه سمنه زياده حق ويه العيش
قفشتين كبار عصير ليمون
عجينه من الخباز او تقدرون تسونها بماي وطحين لين تتماسك
الطريقه:
نحمر البصل بالزيت ونضيف له الثوم والزنجبيل ونحركهم لين تطلع ريحتهم نضيف الربيان المغسول والمشيول منه خيط الظهر
نحركه شوي لين يتعكف و نقلل النار وبعدين نضيف الروب والمعجون والبهارات والكزبره ونحركهم لين ينضى الربيان وتظل صلصه كثيفه نضيف عصير الليمون ونتركه
بالجدر نحط نص كميه العيش وفوقها خلطه الربيان وباجي العيش
رشو الزعفران بالويه وغطوه بالعجين ودخلوه الفرن لين يكمل نضجه وبالعافيه

اشئ لذيذ


شكرا